-:(आज बघतो):-

गजल 

हातात सुर्य आता घेऊन आज बघतो 

कैदेत चंद्र तारे ठेवून आज बघतो 

परकेच लोक आता मज आपलेच वाटे 

त्यांच्याच सोबतीने राहून आज बघतो 

न्यायालयात होते सन्माननीय जंतू 

हे घाव जीवघेणे दावून आज बघतो 

हा डाव जिँकताना मी हारलो तरीही 

ते दुःख अंतरीचे सोसून आज बघतो 

आता तिच्या सुखाची होती अजब कहाणी 

हे दुःख आसवांचे वाहून आज बघतो 

या सोनियास सांगा आहे कुमार त्यांचा 

मैफील जीवनाची गाऊन आज बघतो 

- कविकुमार 

(२६।११।१२)