Wednesday 18 April 2012

-: आयुष्य यातनांचे :-





आजुनही कळत नाही
हे आयुष्य कसे जपावे ?
मरता-मरता जगावे
की जगता-जगता मरावे ??

स्वताःच्याच मनाला
मीच कसे फसवावे ?
हसता-हसता रडावे
की रडता-रडता हसावे ??

सोबतीला कुणीच नाही
तर कुणासाठी थांबावे ?
गवसताना गमवावे
की गमवलेले गवसावे ??

यातना मनीच्या मांडताना
उगीच मनाला सावरावे ?
बिघडलेले सजवावे
की पुन्हा नव्याने बनवावे ??

आजुनही कळत नाही
हे आयुष्य कसे जपावे ?
मरता-मरता जगावे
की जगता-जगता मरावे ??

-कविकुमार
(18/4/2012)
 




No comments:

Post a Comment