-:( हिशोब दे ):-

जाते आहेस सोडून मजला 

खुशाल जा , पण हिशोब दे ! 

नात्यासाठी साठवलेल्या 

स्वप्नांचा तू हिशोब दे ! 

चंद्रालाही सांगत होतो 

तुझी नी प्रित अशी 

तुझ्याचसाठी जागवलेल्या 

राञींचा तू हिशोब दे ! 

वेचत होतो फुले मी जेव्हा 

बाग सकाळी जागत होती 

हृदयाभोवती मोहरलेल्या 

गंधाचा तू हिशोब दे ! 

कशी अवेळी भेटत होती 

तुझी आठवण मजला 

तुझ्याचसाठी घालवलेल्या 

वेळेचा तू हिशोब दे !! 

डोळ्यांच्याही पापण्यांतली 

ओल कडेची दडवत होतो 

तुझ्याचसाठी ओघळलेल्या 

अश्रुंचा तू हिशोब दे !! 

कविकुमार - 

(१२।२।१४)