सावरले पापनीला
आला पोटाशी ओघळ
भावनांशी झुंजताना
लागे प्रारब्धा थीगळ
ढग दाटले मनात
शब्द आडले ओठात
गोठलेल्या लेखनीला
माझ्या आसवांची भ्रांत
पाणी आटताना आला
पहा श्रावनाचा मास
तृष्णेपाई ओढावला
मृगजळाचा तो भास
गंध मातीचा दरवळे
ऋतु भावनांचे ओले
लागे मनात हालाया
जुन्या आठवांचे झुले
वळताना आज वाती
गुज मनाचे कथीले
लावताना शब्दज्योत
प्रेम दिव्यात ओतीले
कविकुमार -
(२०।३।१३)
No comments:
Post a Comment