-:( शोध ):-

गजल

शोध माझ्या जीवनाचा मीच घ्याया लागलो 

अंगणी माझ्याच जेव्हा मी जळाया लागलो 

घाव माझ्या वेदनेचे पाहिले नाही कुणी  

दुःख तेव्हा आसवांनी भागवाया लागलो 

कापलेले पंख माझे हारलो ना मी तरी 

भेदण्या

 आकाश तेव्हा मी उडाया लागलो 

काल होते दोस्त माझे तेच वैरी जाहले 

दुश्मनांशी मी लढूनी सावराया लागलो 

माजला दुष्काळ जेथे कोपलेल्या देवता
थेँब झालो अंकुराचा पाझराया लागलो

कविकुमार - 

(१५।५।१३)