हृदयात आजही ह्या
इरादा नेक आहे ।
चुकली दिशा तरीही
आकाश एक आहे ।।धृ।।
झुकली ना मान केव्हा
लाचार ना कधीही
जखमा आजुन ताज्या
गोँजारल्या जरीही
झाले असंख्य तुकडे
विश्वास एक आहे
चुकली दिशा तरीही
आकाश एक आहे ।।१।।
अजन्म टोचला तो
अध्याय कोरलेला
माझ्याच आप्तकांनी
लचकाच तोडलेला
रडलो ना तरीही
आधार एक आहे
चुकली दिशा तरीही
आकाश एक आहे ।।२।।
छायेस शोधताना
आले किती उन्हाळे
थंडी सरेल तेव्हा
येतात पावसाळे
झीजलो जरी मी थोडा
आयुष्य एक आहे
चुकली दिशा तरीही
आकाश एक आहे ।।३।।
हृदयात आजही ह्या
इरादा नेक आहे
चुकली दिशा तरीही
आकाश एक आहे ।।धृ।।
कविकुमार -
(५।२।१३)
No comments:
Post a Comment