आकाशी नभ गरजत होते
तुझ्याच साठी बरसत होते
फुलराणीचा गंध सखे तू
मोरपीसाचा रंग सखे तू
तुला पाहण्या आकाशीचे
चंद्र चांदणे तरसत होते
आकाशी नभ गरजत होते
तुझ्याच साठी बरसत होते
मज हृदयीचा श्वास सखे तू
जगण्याचा निश्वास सखे तू
तुला शोधण्या भवतालीचे
वारे देखील भटकत होते
आकाशी नभ गरजत होते
तुझ्याच साठी बरसत होते
लावंण्याची बाग सखे तू
स्वरमालेचा राग सखे तू
तुला भेटण्या शीँपल्यातले
मोती देखील उमलत होते
आकाशी नभ गरजत होते
तुझ्याच साठी बरसत होते
कविकुमार -
(२६।७।१३)
No comments:
Post a Comment